released October 24, 2019

1- ZURE AURREAN

Hitzak: Iñaki Lizaso
Musika: Bihozkada

Gaur, zure aurrean biluztu naiz osorik.
Ez dut, ezetzaren, ukoaren beldurrik.

Ni naiz naizena nahi dudana izan nahi dudalako;
Nire nahia nahiz ni, naizen moduan maite naiz, zure aurrean berdin.

Ezetzaren aurrean, nerorek ezabatuko dut ezaren hezea
nire bi begietatik, ez dut zure beharrik.

Nire gorputzean neronek soilik agintzen dut!

Argiak itzaltzen dituztenean,
begiak estaltzen dituztenean,
alboratu nahi zaituztenean,
Pauso bat eman, beti aurrera!

Zure aurrean, dantzatuko suaren gainean.
Ez naiz ixilduko!
Zure aurrean, beti izango naiz ederrena.
Ez naiz kokilduko!

2- ZU GABE

Hitzak: Iñaki Lizaso
Musika: Bihozkada

Non dira keinu batez batzen ginen uneak?
Ez zegoen beldurrik batak uzteko bestea.
errutinak itzali du pizturik zego(e )n suharra
Ez dut zure beharra….

ZU GABE, EGIN NAHI DUT BIDEA
HEGOAK, ASTINDUZ EGITEA
ASKEA; IZAN NAHI DUT MAITEA
LIBREA!

3- ZALDI ZURI

Hitzak: Iñaki Lizaso
Musika: Bihozkada

Azken arnasa hartzeaz batera,
zure argia itzali bada ere,
trosta hotsen burrunba ederra
kolpatuz udazken hostoak haserre.

Malkoz-malko marraztuz irrifarra
eraitsitako zutabeagatik,
begien artean dugu iparra
galtzadetan ez erortzeagatik.

Irrintzi bakoitzak, mendi magalean, zugana garama.
Oihuka, gure garraxia, zugana iristeko, haizeak darama…

Betiko jasoko dut, bihotzeko kutxan gorderik, zure maitasuna.
Behin, ihes egin zuen txoriak baina, bere edertasuna da oroi duguna.

4- HIGUINA

Hitzak: Iñaki Lizaso
Musika: Bihozkada

Odoloez, hain gertu baina...
Sentimendurik ezin ikusi.
Hurrun! Ahotik ixuritako pozoia
ezin ahantzi...

Odoloez, hain gertu baina...
hutsa zara niretzako.
Ezer! Gaurtik aurrera ez daukat deus zuri
esateko....

Gorrotoa eta maitasuna,
hain gertu daude...
Badakigu askoz hobeto gaude:
Zu ikusi gabe!

Eragiten higuina,
sortzen duzu mina...
oparitzen ikusi-ezina?
Zuganako bide iluna, agur laguntasuna!
Eskurago dugu askatasuna!

Orain arte bizi(tu)takoa ta gero, berdina egunero;
Ez al zenuen? Ez al zenuen halakorik espero?

5- KAIUKO

Hitzak: Iñaki Lizaso
Musika: Bihozkada

Etorkizun hobe baten bila
joan nintzen herritik ihesi.
Agurtu nittun familia, lagunak
eta itsasora nintzen jauzi.

Kaiuko hartan berrehun lagun ginen
une gogor haiek ezin ahantzi…
Nahiz guztiek eman lehen pausoa
bizirik ez ginen guztiak iritsi!

Bidaia arriskutsua izan zen
Europara iritsi arte.
Hasieran lagundu ziguten
eta zabaldu hamaika ate.
Baina egun bat pasatu orduko
ohartu ginen ez gintuztela maite!

Itsaso-hilerria zeharkatu
genuen itxaroz, arraunean.
Etsaia limusinan iristen da,
sekula ez patera batean.
Eraiki dezagun geroa, denon artean…

Ez dago surik, berdina denik
Norberak dauka bere distira.
Mugak apurtu, paretak bota
harresiak eraitsi behar dira!

6- HOSTOEN MALKOAK

Hitzak: Iñaki Lizaso
Musika: Bihozkada

Nahiz erori diren hosto guztiak
Ta harri bihurtu malko bustiak
Berriz sortuko dira, igorriz dizdira
Zure bihotzeko lore ederrenak

Haizeaz joan dira une garratzak
Amorruz beterik zeuden arantzak
Ta berriz hasteko, guztia ahazteko
Desiraz nahi dut: zure besarkada!

Oharkabe, uste gabe
Berriz loratuta gaude!
Ta zu zara! Bai, zu zara!
Nire larrosa bakarra!


7- PIRATA LAGUN II

Hitzak: Iñaki Lizaso
Moldaketa: Alex Tello
Musika: Bihozkada

Txikitan jolasten egin ginen lagun
oraindik zaude nirekin,
une txarretan eta goxoenetan
irrifarre alai berdinarekin.

Oroituz Getayan San Anton jaian,
ginen orbainen garaile.
Bi pirata izaten jarraitzen dugu
beti elkarrekin oraindik ere!

Itsasoak, uhartera narama
ene altxorra zu zara,
ta barku hau hondoratu bitarte
batera egongo gera!

8- ITSASGORA

Hitzak: Iñaki Lizaso
Musika: Bihozkada

Hondarretan hiltzen den olatuen antzera
bere azken arnas hatsa ematera
Infinitua begiradaz jatea
eta askeak garela sentitzea

Haizeak garrasi, gorrotoa darama,
ez da itzaliko: Herrian izana!
Badator ekaitza! Badator ekaitza!
Hemen da ekaitza!

Arriskurik ez da; enbata joana da, ateak zabalik:

Iritsi da,
Zipriztinek esnatuko zaitu loalditik
jada, ez zaude bakarrik!
Kendutako guztia itzuliko zaigulako berriro
Itsasgora dugun aldiro!